Due anni con sospensione della pena per omicidio?

Erfitt að taka skýra afstöðu áður þegar dómurinn hefur ekki verið birtur, en miðað við lýsinguna í fréttinni finnst mér þetta vera ótrúlega vægur dómur. Vonandi verður honum áfrýjað.

Þegar verið er að dæma í svona málum (og öllum málum ef út í það er farið) þá er alltaf horft til ásetnings þess sem framdi brotið. Það er mjög ólíklegt að maður sem lemur annan mann einu sinni í haus/háls ætli sér að drepa viðkomandi. Mér finnst líklegt að það sé að leiða til refsilækkunar hér. Líklega fyrsta alvarlega brot viðkomandi líka.

Auðvitað ætti ásetningur að skipta máli en mér verður reglulega hugsað til eins máls þar sem leigubílstjóri kom auga á konu á Austurvelli sem var að pissa. Hann stoppaði bílinn, hljóp að henni og stakk putta beint upp í endaþarm. Hún kærði hann fyrir kynferðisofbeldi en þar sem ásetningur hans var ekki talinn vera af kynferðislegum toga þá var hann ekki dæmdur fyrir kynferðisbrot. Nú man ég ekki hvort hann var dæmdur fyrir eitthvað en ég held hann hafi hlotið einhvers konar dóm. Í þessu tilfelli þá skipti upplifun konunnar engu máli. Hún upplifði að á sér hefði verið brotið kynferðislega (mjög réttilega, myndi ég a.m.k. segja) en það var ekkert tekið tillit til þess. Það mál var allt saman mjög Tvíhöfðalegt… “Það er ekkert í íslenskum lögum sem bannar flipp”.